Стайню ля карэт, коней і поні ў пачатку ХХ стагоддзя пабудавалі ля сухапутнай дарогі гаспадарчага прызначэння. Верхавая язда ў гаспадароў была менш папулярная, чым у іншых сядзібах. Граф садзіўся ў сядло толькі калі меў намер агледзець свае ўладанні. Графіня пасля нараджэння дзяцей, асцерагаючыся за сваё здароўе, адпраўлялася ў дарогу толькі ў карэце. Цяпер, пасля рэстаўрацыі, будынак стайні выкарыстоўваецца для розных мерапрыемстваў.