Сядзіба ВЕРХНЯЯ ФРЭДА

Мясцовасць Фрэда, што на поўдні ад Каўнаса, упершыню згадана ў пісьмовых гістарычных крыніцах у канчатку XV стагоддзя, калі Каўнас ад Вялікага князя Вітаўтаса атрымаў прывілей на кіраванне паводле Магдэбургскага права. Верхнюю Фрэду, якая ў той час мела аблік вёскі, у 1799 годзе за 76 тысяч галандскіх паўнаважкіх чырвонцаў купляў 26-гадовы прадпрымальны жамойцкі дваранін Юзаф Гадлеўскі (літоўск. Juozapas Godlevskis). 26-гадовы новы ўладальнік нават не скончыў гімназію, аднак, скарыстаўшыся палітычным абставінамі, здолеў разбагацець.
З сярэдзіны XVIII стагоддзя ў Заходняй Еўропе распаўсюджваліся загарадныя палацава-паркавыя рэзідэнцыіі. Верхнюю Фрэду таксама будавали як загарадную рэзідэнцыю. У найвысшым месцы паўстаў палац з калонамі. Таксама пабудавалі дзве афіцыны, гасцявы дом, дом для парабкаў, стайню, аранжарэю і інш. Арганізавалі парк з трыма сажалкамі, з якіх дзве мелі форму “J” і “G” – гэта першыя літары імя і прозвішча ўладальніка рэпрэзентацыйнай сядзібы (Juozapas Godlevskis). Так Гадлеўскі хацеў праславіць сябе. Сажалкі не ацалелі. Побач з адной з сажалак стаяў драўляны “любоўны дамок”, там жылі найпрыгажэйшыя прыгонныя дзяўчаты.
Стары лавелас Гадлеўскі мог бы застацца бессямейным бабылём, калі б не аканом сядзібы, сябра маладосці. Гэты аканом нарэшце сасватаў 64-гадоваму гаспадару нявесту, што была маладзейшая нават на 45 гадоў. Але “малады” вельмі хутка пакінуў вяселле. Добра, што аканом загадаў слугам запрэгчы коней у найлепшую карэту і здолеў угаварыць гаспадара, каб вёз жонку дадому. Сям’я стала жыць у сядзібе.
Калі Гадлеўскі памёр, яго ў Гарляву са смалянымі паходнямі, увечары падсвечваючы дарогу, суправаджалі мясцовыя жыхары. Труну замуравалі ў правай вежы касцёла. Двор перадалі Каўнаскаму гарнізону пад будаўніцтва крэпасці. Жонка Гадлеўскага, застаўшыся ўдавой і атрымаўшы кампенсацыю, пасялілася ў Каўнасе.
На тэрыторыі сядзібы паўсталі артылерыйскія склады, бажніца, стайня, гаўптвахта і афіцэрская лазня. У 1918 годзе вырашылі абсталяваць у Верхняй Фрэдзе прэзідэнцкую рэзідэнцыю, вылучылі 20000 залатых.
У Фрэдзе дзейнічаў тэхнікум садаводства і агародніцтва, адкрылі Батанічны сад.