Абарончыя сцены перадзамка паміж вуглавымі вежамі замка муравалі ў XV стагоддзі. Паверхня для падмурка не была роўнай, таму скарысталіся драўляным насцілам складанай канструкцыі. Ад хваляў азёрнай вады падмурак абгарадзілі плеценымі сценкамі, засыпалі жвір. Канфігурацыя сцен перадзамка – няправільная трапецыя. Доступ да байніц, якія знаходзіліся ў верхняй частцы абарончай сцяны, на ўзвышэнні, быў з боку двара, праз драўляную галерэю.