Гэты аднапавярховы флігель пабудавалі ў 1853 годзе. Каменны мураваны будынак упрыгожвалі карнізы ў некалькі шэрагаў па гарызанталі, вокны былі дэкараваны чырвонай цэглай. Падоўжная сцяна дзяліла ўнутраную прастору будынка напалову. Па абодва бакі знаходзіліся кватэры для сем’яў парабкаў, з асобным уваходам. Дзве кватэры з аднаго боку былі больш прасторнымі (два пакоі і кухня), дзве кватэры з другога боку мелі толькі адзін пакой і кухню. Пад сярэдняй часткай будынка знаходзіўся склеп.