Аднапавярховы будынак (час будаўніцтва канец XIX ст. – пачатак XX ст.) з чатырма рознымі памяшканнямі па сваіх функцыях замяняў гаспадыням халадзільнік. У ніжняй частцы будынка захаваліся тры папярочныя каменныя перакладзіны. Лядоўня была заглыбленая ў зямлю прыкладна на 1 метр. Узімку зносілі з ракі ў лядоўню глыбы лёду, каб яго кавалкамі летам астуджаць харчовыя прадукты.
У савецкі час памяшканні лядоўні выкарыстоўвалі як хлеў і як адрыну. У перыяд незалежнасці Літвы, у 2012 годзе, здейснілі рэканструкцыю, прыстасаваўшы будынак для дзейнасці мясцовай абшчыны.