Ансамбль Пажайсліскага кляштара.
Паўночны будынак.

У паўночным будынку, які пабудавалі ў XVII стагоддзі, знаходзіліся вялікі і малы рэфлекторыумы (інакш: трапезныя). Вялікі рэфлекторыум быў больш упрыгожаным: насценныя панэлі – з пазалотай, скляпенні – з фрэскамі. Камальдулы жылі аскетычна і адасоблена. У кляштары яны ўсе разам толькі трапезнічалі (абед, вячэра). У тым жа паўночным будынку абсталявалі кухню, а таксама склады і склепы, у якіх захоўваліся харчовыя прадукты.