У канцы XIX стагоддзя ў парке пасадзіді дрэвы і хмызнякі 22 гатункаў (японская лістоўніца, татарскі клён, кізыльнік бліскучы і інш.). Вялікую плошчу займала лістоўніца. Для шпацыраў была 150-метровая ліпавая алея. Каля палаца ўсталявалі люстэркі, у іх “глядзеліся” шматлікія ружы. Колькасць, пахі і колеры стваралі такую атмасферу, што мясцовыя насельнікі нярэдка казалі “Ружовы палац”. Парк палаца плошчай 11 гектараў знаходзіцца пад аховай дзяржавы, яго ў 1958 годзе абвясцілі прыродным помнікам.