Ацалелая цяпліца ў сядзібе

Граф Тышкевіч быў зацікаўлены развіваць цяплічную гаспадарку. У сядзібе было некалькі цяпліц, аднак захавалася толькі адна, пабудаваная на працягу XIX–XX стст побач з абозняй (карэтнай). З двух бакоў шклянага будынку былі цагляныя прыбудовы, у адной агароднік захоўваў розныя прылады, у іншым будынку стаяла печ.
Цяпер у заходняй частцы былой цяпліцы вылучана трохі мейсца для вырошчвання драбнейшай, смакавай зеляніны. На астатняй плошчы – Цэнтр традыцыйных раместваў, музейныя касы.