Масіўная агароджа атачала сядзібны парк (амаль 60 гектараў). На паўднёва-ўсходняй ускраіне знаходзіліся галоўныя вароты, у іх нішах – скульптуры рыцараў у даспехах XVI ст. Уверсе варот – жамойцкія мядзведзі (іх у гэтым крае калісці было нямала), а ў лапах – шчыты з выявай герба князёў Агінскіх. Вароты закрываліся ў 22 гадзіны. Ключы былі ў вартаўніка, яго дамок стаяў побач. Цяпер тут цэнтр інфармацыі для турыстаў.